Një ngjarje e rëndë ka ndodhur në Kukës, ku një 26-vjeçare është gjetur pa shenja jetë në kanalin e hidrocentralit të Orgjostit.
Sipas uniformave blu, dyshohet se shtetasja M. O. është vetëmbytur, pasi nuk janë konstatuar shenja dhune apo dëmtime të tjera.
Më datë 16, pra dy ditë më parë, familja e të resë ka bërë kallëzim në polici për largimin e saj nga banesa.
“Më datë 17.12.2024, në kanalin e hidrocentralit të Orgjostit, në fshatin Orgjost, është gjetur e pajetë shtetasja M. O., 26 vjeçe, banuese në fshatin Kosharisht.
Gjatë këqyrjes nga eksperti mjekoligjor, në trupin e shtetases M. O. nuk janë konstatuar shenja dhune apo dëmtime të tjera.
Nga veprimet hetimore të deritanishme dyshohet se kjo shtetase është vetëmbytur.
Pasditen e datës 16.12.2024, në Komisariatin e Policisë Kukës, familjarët e kësaj shtetaseje kanë kanë bërë kallëzim për largimin e saj nga banesa dhe humbjen e kontakteve me të”, njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës./Opinion.al
