Europarlamentari Eduart Kukan është pyetur nga gazetarët për takimin që ka patur në Tiranë me ish-Kryeministrin Berisha dhe nëse ka një qëndrim ndryshe mes tij dhe Lulzim Bashës.
Kukan u përgjigj se “kur ka një mik nuk dua ta harroj”, duke theksuar se kur Berisha ishte Kryeministër kanë bashkëpunuar për 5 vjet, pasi mbante detyrën e kryetarit të delegacionit të Parlamentit Europian për çështjet e jashtme.
“Edhe tani që Z.Berisha nuk është më në krye të politikës, unë nuk e kam harruar dhe doja që të takoheshim, të bisedonim, të dëgjonim njëri tjetrin”, tha Kukan.
Pas kësaj përgjigje ndërhyri Kreu i Kuvendit Meta, duke i kërkuar gazetarëve që të mos bëjnë diversion midis tij dhe zotit Rama, apo mes Bashës dhe Berishës.//a.h
