Këto ditë duhet të qëndrojmë në shtëpi, dhe rrjedhimisht kemi kohë të mjaftueshme për t’u kujdesur për veten.
Më poshtë keni të listuara disa maska mjaft efektive dhe të lehta për t’u realizuar në kushte shtëpie:
Maskë hidratuese – Tërshërë + qumësht + mjalt + ujë
Kombinoni përbërzit në një tigan të vogël. Gatuaji me nxehtësi mesatare për 5 minuta. Lëre të ftohet, aplikoje në lëkurë dhe shpëlaje pas 15 minutash. Kjo maskë pastron fytyrën nga puçrat dhe hidraton lëkurën.
Maskë për pastrimin e poreve – Qumësht + xhelatinë pa shije + mjaltë + vaj tea tree
Kjo maskë ndihmon në largimin e pikave të zeza njësoj si fashat që shiten në supermarkete. Ekspertët besojnë se më efektive do të ishte të pinit qumështin, megjithatë mund ta provoni.
Maskë për të parandaluar puçrat – Mjaltë + kanellë + arrë moskati
Kjo maskë të njëtrajtëson ngjyrën e lëkurës dhe e pastron nga puçrat. Thjesht sigurohuni të testoni kanellën para përdorimit pasi mund të irritojë lëkurën. Mjalti do të zbusë lëkurën, kanella parandalon aknet, ndërsa arra e moskatit e bluar mund të shërbejë si scrub.
Maskë pastruese – Banane + vaj ulliri ose bajameje + e verdha e vezës
Kjo do t’ju pastrojë lëkurën nga qelizat e vdekura, do të tërheqë lëkurën për një afat të shkurtër dhe vaji do të zbusë lëkurën.
Maskë për të parandaluar puçrat – Limon + sodë buke + mjaltë
Mjalti qetëson lëkurën dhe hidraton, gjithashtu largon yndyrën e tepërt. Limoni ka veti antibakteriale dhe soda e bukës është anti-inflamatore dhe antibakteriale.
Maskë anti-rrudhë – Limon + e bardha e vezës + mjaltë
Limoni njëtrajtëson ngjyrën e lëkurës, pastron njollat e zeza, ndërsa e bardha e vezës mbyll poret, megjithëse për një periudhë të shkurtër./Opinion.al
