Një i ri është arrestuar nga policia pasi dyshohet se drejtonte automjetin e tij nën ndikimin e lëndëve narkotike. Në pranga ka rënë Kostandin Xoxi, 22 vjeç, banues në fshatin Gjorgoz, Fier.
Arrestimi i tij u bë pasi është kapur në Patos, duke drejtuar mjetin tip Benz me targa AA 163 AP në mënyrë të çrregullt. Sipas policisë dyshohet se i riu ishte nën efektin e lëndëve narkotike.
Ndërkohë vetëm pak kohë më parë në kryeqytet ka ndodhur një aksident me pasojë vdekjen e një fëmijë 3 vjeç, për shkak se drejtuesi i mjetit i cili ka përplasur fëmijën ishte nën ndikimin e lëndëve narkotike.
