Shkencëtarët spanjollë kanë dalë në përfundimin se femrat e bukura mund t’i bëjnë keq meshkujve për shëndetin. Sipas këtij studimi ka rezultuar se mjaftojnë vetëm 5 minuta në shoqërinë e një femre të bukur, dhe niveli i hormonit kortizol, apo i njur ndryshe si hormoni i stresit rritet ndjeshëm në trupin e meshkujve.
Shkencëtarët në Universitetin e Valencias kanë testuar 84 meshkuj, të cilët kanë qëndruar një nga një në një dhomë. Atyre iu janë bashkuar një femër dhe një mashkull.
Me largimin e mashkullit shoqërues nga dhoma, është vënë re se niveli i stresit te meshkujt e pranishëm në studim është rritur ndjeshëm.
Organizmi prodhon kortizol kur ndodhet nën stres fizik ose psikik, ndërsa është i lidhur edhe me sëmundjet e zemrës. Megjithatë mund të ketë efekt pozitiv në doza të vogla, sepse shton vigjilencën dhe ndihmon organizmin.
Mirëpo nëse rritja e nivelit të tij bëhet kronike, atëherë mund të çrregullojë gjendjen e organizmit duke çuar deri te shfaqja e sëmundjeve të zemrës, diabetit dhe impotencës
