TIRANE- Trupi i viktimës është gjendur i zhveshur vetëm me të mbathura dhe në pjesën e kokës pjesërisht i dekompozuar. Kufoma ishte groposur, kur është konstatuar nga një bari i zonës, pasi qeni i bariut po gërmonte në vendin ku u gjet.
Kufoma është një mashkull me gjatësi 1 75 deri në 1 80 centimetër.
Sipas të dhënave nga Instituti i Mjekësisë Ligjore janë konstatuar dy plagë me armë zjarri, një në pjesën e zemrës dhe një tjetër në kokë.
Të njëjtat burime bëjnë me dije se kufoma dyshohet të jetë vrarë në harkun kohor të tre deri në gjashtë muaj.
Një ekspertizë më e thelluar do të përcaktojë kohën më të saktë të ngjarjes.
Burime nga Mjeksia Ligjore pohojnë për Televizionin Klan së kufomës është arritur t’i merren shenjat e gishtave për të bërë krahasimin e tyre me kartelat daktiloskopike në regjistrin penal, për të evidentuar nëse rezulton person i skeduar, çka do të ndihmonte në identifikimin e tij.
Të gjitha drejtorive të policive në qarqe u është kërkuar informacion rreth denoncimeve për persona të zhdukur në harkun kohor të 9 muajve të fundit, në mënyrë që familjarët e këtyre shtetasve t’u bëhet paraqitja për njohjen e kufomës.
Të parët që janë paraqitur në morg kanë qenë të afërmit Enver Stafukës, i zhdukur një vit më parë. Por ka rezultuar se viktima nuk është ai.
Është përjashtuar edhe mundësia që të jetë edhe këngëtari Renato Hamza, nga Elbasani, i cili rezulton i zhdukur që prej 29 qershorit 2014. /tvklan/
