Kryeministri i Kosovës, Ramush Haradinaj ka ripërsëritur deklaratën e tij sipas së cilës vetëm lufta mund t`i ndryshojë kufinjtë e Kosovës.
Ai në një konferencë për media pasditen e sotme, pas mbledhjes së ekzekutivit ka thënë se është goxha imagjinare të mendohet se Presheva do t`i bashkohet Kosovës.
Sipas Haradinajt fundi i të gjithë bisedimeve duhet të jetë njohja reciproke dhe mbetja e Kosovës në kufijtë që i ka fituar me luftë për të cilët siç tha ai shumë e gra e burra dhanë jetën. “Kush mendon se luhen kufijtë gabon. Janë kufinj lufte të vendosur nga NATO dhe UÇK dhe këto kufinj ndryshohen vetëm me luftë“, tha Haradinaj.
