Duket se koha kur “zogu më i mirë prej krejtëve”, bënte namin me klikime mbeti e shkuar e harruar… Vitin 2013-të këngëtarja shkupiane, Tuna duhet ta mbajë mend mirë, pasi ai mund të cilësohet si viti i saj më i suksesshëm.
Në çdo cep të Shqipërisë, makina, plazhe e klube nate ishte e pamundur mos të dëgjohej hiti “Fenix”, i cili solli Tunës jo vetëm shumë të ardhura por në të njëjtën kohë edhe shumë koncerte.
Asokohe këngëtarja bëri publike edhe lidhjen e saj me reperin, Cozman dhe dyshja e famshme shihej kudo bashkë… Jo vetëm kaq por Tuna do të ishte një nga këngëtaret më të kërkuara edhe në programe të tjera televizive. Po atë vit do të vinte edhe ftesa për mentore e X-Factor (ku për dy vite radhazi ishte mentorja më e suksseshme pasi Arilena Ara dhe Ergi Dini, dy konkurrentët e saj u shpallën fitues të këtij talent shou), ndërsa në 2015-tën do të vinte edhe ftesa për “Dancing with the Stars”, ku u shpall edhe fituese e këtij edicioni të pestë…
Po muzika?!!!
Tuna pak nga pak po binte nga froni i “mbretëreshës” së miliona klikimeve. Paralajmërimin e parë e morëm që në verën e vitit 2014-të, ku bashkëpunimi i saj me Getoar Selimin nuk rezultoi si hiti i asaj vere, ndonëse ata janë “MMV” në muzikën shqiptare…
Pas MMV, këngët e Tunës nuk po njohin më miliona klikime. Kështu ndodhi me “Pardon”, “Nobody There” si dhe “Knocks me out”.
Bashkëpunimi “Holla” me ish të dashurin e saj, Cozman rezultoi pak më i pëlqyer (sepse bashkimi bën fuqinë), por të dy këngëtaret e dinë mirë që ajo nuk kishte kurrë suksesin e hitit “Fenix”.
Kënga e saj e fundit “Dy Tima”, e publikuar të shtunën në mbrëmje jo vetëm që nuk ka marrë shumë klikime, por Tuna ka ç’aktivizuar opsionin “dislike” në You Tube pasi kënga mori më shumë kritika se sa pëlqime…
Çfarë po ndodh me “zogun” mos ndoshta ajo duhet të bëj përsëri një këngë si “Fenix”, apo duhet t’i rikthehet përsëri punës me bashkëpunëtorët e saj të vjetër?!
Duke e njohur Tunën jemi të bindur që edhe ajo vetë nuk është e kënaqur me këto ritme të punës së saj. Le të shpresojmë që do të rikthehet përsëri fuqishëm, vera është përpara…
