TIRANË- Në të parën dalje publike pas ngjarjes tragjike të rrëzimit të helikopterit të ushtrisë, shefi i Shtabit të Përgjithshëm të Forcave të Armatosura, Jeronim Bazo tha se “helikopteri ishte në një stervitje rutinë”.
Ai konfirmoi lajmin e rëndë të humbjes së dy jetëve dhe faktin se i treti është jashtë rrezikut për jetën.
Deklarata e Jeronim Bazos për rrëzimin e helikopterit në liqenin e Shkodrës
Një helicopter EC 145 me numër bordi 637 me tre persona në bord: Florian Deliaj, Donald Hoxha dhe Gerald Baramuca u aksidentua sot në mesditë në Malesine e Madhe. Dy pilotët Hoxha dhe Deliaj kanë humbur jetën fatkeqësisht, ndërsa Baramuça është jashtë rrezikut për jetën. Ngushëllime familjeve për këtë humbje të madhe të personave të tyre të dashur dhe njeherësh dy pilotëve të talentuar të FA.
Ministria e Mbrojtjes ka angazhuar burimet për të hedhur dritë mbi rrethanat e ngjarjes.
Helikopteri EC 145 është futur në përdorim në nëntor të 2015. Të dy helikopterët sapo janë marrë nga FA në bazë të kontratave disavjeçare.
Helikopteri që u aksidentua ishte brenda trajektores së fluturimit. Ky fluturim ishte miratuar nga strukturat e posaçme. Ishte një stervitje rutinë ose ndryshe “udhëtim njohje”, pasi këto lloj helikopterësh përdoren për operacione kërkim-shpëtimi.
Dy pilotët që humbën jetën janë me një përvojë të gjatë dhe të trajnuar gjerësisht brenda dhe jashtë vendit.
Lidhur me shkaqet dua të them se raste të tilla duan kohë për të hedhur dritë. Po punojmë për këtë gjë.
