Pushohet procesi ndaj Admir Muratajt, një nga autorët e grabitjes së 9 prillit në Rinas. Gjendja Civile e Tropojës ka sjell certifikatën e vdekjes së tij, i cili sipas autoriteteve mbeti i vrarë në shkëmbimin e zjarrit mes policisë.
Prokuori Eneid Nakuçi paraqiti në Gjykatë certefikatën e vdekjes dhe kjo e fundit vendosur të pushojë procesin për akuzën e grabitjeve ndaj Murataj.
Hetimet për grabitjen në Aeroportin e Rinasit janë ende në vijim, ndërsa deri më tani pavarësisht se ministri i Brendshëm thotë se gjithçka është e qartë, vënia para përgjegjësisë e autorëve mungon.
Policia e Shtetit dhe grupi hetimor i kanë orientuar hetimet në dy fronte. Nga njëra anë vazhdojnë të kërkojnë gjurmë të vlerave monetare të grabitura në Aeroportin e Rinasit, me kërkimet që janë përqendruar në Tiranë, në Nikël, në fshatin Dritas ku u fshehën për disa orë grabitësit e 9 prillit, në Elbasan dhe në zonën e Gramshit. Në kërkim vazhdon të jetë ndërkohë Klement Çala dhe i vëllai Eldi Çala.
Pikëpyetje të forta ka dhe për dëshminë e Alkond Bengasit, që thuhet se zbuloi gjithë mënyrën se si funksiononte grupi. Deri më tani nuk ka asnjë zyrtar të koncesionarit të sigurisë në Rinas si të ndaluar./ Opinion.al
