Gjatë ditës së sotme territori shqiptar do të jetë në ndikimin e kthjellimeve dhe vranësirave të lehta e kalimtare. Parashikohet që orët e pasdites të sjellin shtim të vranësirave në zonat malore në veri dhe veriperëndim të territorit, ku do të rrezikojnë shira të dobët dhe lokalë. Ndërsa me alternime kthjellimesh dhe vranësirash do të paraqitet e gjithë pjesa tjetër e Shqipërisë. Gjatë natës vranësirat do të pësojnë zhvillim duke sjellë shira në të gjithë vendin.
Sipas MeteoAlb, temperaturat e ajrit rriten në mesditë duke luhatur vlerat ditore nga 4°C deri në 19°C.
Era do të fryjë mesatare deri e fortë me shpejtësi 50 km/h nga drejtimi kryesisht Jugor duke krijuar në Adriatik dhe Jon dallgëzim deri në 4 ballë.
