Presidenti turk Recep Tayyip Erdogan ka ndryshuar qëndrim në lidhje me raportet me Bashkimin Europian.
Në kongresin e partisë së tij AKP, kreu i shtetit turk deklaroi se e ardhmja e Turqisë është drejt familjes evropiane, ndërsa ftoi BE për bashkëpunim.
Gjatë fjalës së tij Erdogan deklaroi se do të ketë forcim të marrëdhënieve edhe me administratën e re të SHBA, me Rusinë apo Iranin si dhe me faktorët kyç në rajon.
“Nuk kemi për qëllim të grindemi me askënd. Nuk duam t’i marrim askujt të drejtën. E kundërta. Me miqtë dhe ata që kemi në krah duam të bashkëpunojmë më shumë. Nga Bashkimi Europian presim që të mbajë premtimet ndaj nesh. Mos të bëjë ndarje dhe mos ta përdorin si vegël për të na sulmuar. Nuk e shohim veten diku tjetër, por në Bashkimin Europian dhe po punojmë që të arrijmë në të ardhmen”.
Po shtu, Erdogan foli për lobim nga disa shtete për të nxitur armiqësi ndaj Turqisë.
“Askush nuk ka të drejtë që ta zhubrosë fotogafinë e Turqisë me argumente të gabuara dhe të gënjeshtërta. Nuk do të lejojmë as kërcënimet. Nuk pranojmë që të kthehemi lodër e disa vendeve apo e terroristëve. Nuk mund ta pranojmë lobimin e disa shteteve dhe organizmave që e kanë kthyer armiqësinë ndaj Turqisë në çështje jetësore”./ Opinion.al
