11 udhëtarë në bordin e një avioni privat humbën jetën këtë të dielë, pas një aksidenti të rëndë ajror. Aeroplani që i përkiste firmës turke Basaran Holding u rrëzua në Iran, shkruan Turkish Red Crescent në Twitter.
Mediat e huaja raportojnë se një nga udhëtarët ishte dhe vajza e biznesmenit Huseyin Basaran, e cila kthehej nga Dubai.
Mediat turke më herët raportuan se vajza e Basaranit dhe shtatë nga miqtë e saj po ktheheshin nga një festë në Dubai. Ajo kishte planifikuar të martohej muajin tjetër, njoftoi agjensia e lajmeve “DHA” .
Në bordin e mjetit fluturues ishin edhe tre drejtues në ekuipazh përveç vajzës së biznesmenit dhe miqve të saj, tha një zyrtar i Ministrisë së Transportit të Turqisë.
Avioni fluturonte ne kushte atmosferike te dominuara nga debora dhe autoritetet thone se nuk ka shanse per te mbijetuar.
