Kryetari i LSI, Petrit Vasili denoncoi sot një akt dhune ndaj mbështetësit të kësaj partie. Në një reagim për mediat thuhet se: “Një anetar i LSI në Zharrëz të Fierit është goditur nga horra te PS-së”.
Sipas Vasilit, autori i veprës kriminale është Agim Grembi, por Policia e drogës nuk ka arrestuar kriminelin.
“PS të dënojë aktin dhe të distancohet nga kriminelet. PS e Fierit ka përgjegjësi për armiqësinë e rëndë që po krijohet në fushatë”, deklaron Vasili.
Ai thotë më tej se LSI do të reagojë ashpër. “Përgjigja jonë do të jetë shumë e ashpër. Nuk do të falim asnjë që guxon të beje presion”, tha kreu i kësaj partie për mediat.
/Opinion.al
