Kryetari i Gjykatës së Apelit Tiranë, Hysni Demiraj, ka dalë sot në një konferencë për të sqaruar një denoncim bërë ndaj tij nga ish-punonjësi i gjykatës.
Në fjalën e tij Demiraj ka sqaruar edhe kërkesën që ka bërë në Gjykatën e Apelit Drejtori i Përgjithshëm i Policisë, Haki Çako.
“Çështja e drejtorit të Policisë së Shtetit ka ardhur në Gjykatën e Apelit dhe do trajtohet si çdo çështje tjetër, sipas procedurave. Ajo do të shqyrtohet brenda 10 ditësh si çdo çështje tjetër që të mos shkelen afatet.
Çështjen për Haki Çakon do e shqyrtojë Marie Qirjazi (relatore) dhe Ervin Metalla e Fiqirete Mullai”, tha ai.
Më tej vijoi: “Kryeminstri mund t’i interpretojë pushtetet e tjera si të dojë. Por shteti duhet t’i gjejë mënyrat që të godasë gjyqtarin e korruptuar dhe të mbrojë ata të ndershmit”.
Lidhur me akuzat e shoferit se e ka goditur me grusht, Demiraj tha:
25-vjeçari K.M që pretendon se është qëlluar me grusht, është nipi i ish-kreut të Apelit Alaudin Malaj.
“Nuk do të fokusohem gjatë te kjo ngjarje, pasi nuk ka asnjë incident me nipin e Malajt, por me vetë Malajn. Nipi i tij, ka qenë me vendim i pushuar nga puna dhe marrëdhëniet e punës kanë qenë të shkëputura”, kreu i Apelit Tiranë Hysni Demiraj. Ky i fundit ka mohuar pretendimet për dhunë duke hedhur poshtë akuzën e shoferit 25-vjeçar se e ka qëlluar me grusht”, u shpreh Demiraj.
