Kryetarja e Kuvendit, Lindita Nikolla, ka pritur në Kryesinë e Kuvendit, Kryetarin e Parlamentit të Bullgarisë, Rossen Jeliazkov dhe delegacionin që e shoqëron, të cilët do të zhvillojnë një vizitë zyrtare në Shqipëri.
Në përfundim të takimit, kryeparlamentarja Lindita Nikolla dhe homologu i saj Rossen Jeliazkov kanë dhënë një deklaratë për mediat.
Kryeparlamentari i Bullgarisë, Jeliazkov është shprehur se në takim është folur për mundësinë e nxitjes së investimeve, si dhe për mundësitë që do të japë korridori 8 për intensifikimimin e marrëdhënieve.
Po ashtu, Jeliazkov tha se brenda një viti do të kemi një linjë të rregullt ajrore, Shqipëri-Bullgari.
Rossen Jeliazkov: Folëm dhe për mundësitë për nxitjen e investimeve, për mundësitë që do të na japë Korridori Numër 8 për intensifikimin e marrëdhënive. Jemi të kënaqur sepse Korridori 8 është pjesë e sistemit evropian. Folëm dhe për këtë sepse në kuadrin e një viti, do të kemi një linjë të rregullt ajrore, diçka për të cilën punojmë fort në bazë të modelit të qëndrueshëm të biznesit. Kjo do të japë një potencial për zhvillimin e turizimit, si dhe për shkëmbim mallrash.
Në fund të fjalës, Jeliazkov është shprehur i kënaqur për të intensifikuar marrëdhëniet dhe për të përforcuar lidhjet Shqipëri-Bullari.
Rossen Jeliazkov: Sot, me grupin e miqësisë Bullgari-Shqipëri jemi të kënaqur për mundësinë që të zhvillojmë dialogun politik dhe do të vazhdojmë komunikimin në nivel parlamentar për intensifikimin e marrëdhënieve për të përforucuar lidhjet mes vendeve tona.
