Kryeminsitri turk Yildirim në fjalën e tij gjate konferences per shtyp me kryeministrin Rama tha se “Për fat të keq vendi ynë ndodhet sot pas një sulmi terrorist ku shumë njerëz vdiqën. Falenderoj kryeminstrin Rama për mesazhin e ngushëllimit. Shqipëria ndodhet gjithnjë pranë nesh”.
“Kemi marredhënie të forta dhe të sinqerta me Shqipërinë. Në bisedimet që bëmë sot biseduam për mundësitë e zhvillimit dhe zgjerimit të këtyre marrëdhënieve, për intensifikimin e tyre. Për mundësinë e rritjes së projekteve dhe të pjesëmarrjes së investitoreve turq në infrastrukturën në Shqipëri. Këto i diskutuam në mënyrë të gjerë”, tha Yildirim.
Yildirim theksoi se, “mes dy vendeve eksziton një marrëveshje e tregtisë të lirë, që duhet të përshtatet me kushtet zhvillimeve të reja. Marrëdhëniet mes dy vendeve tona s’janë vetëm tregtare, por edhe marrëdhënie të bashkëpunimit ekonomik me vlerë 3 milionë dollarë. Kemi mundësi që këtë potencial ta shtojmë sa më tepër.
“Biznesmenët turq punojnë për të lidhur kontrata për investime në Shqipëri. Këtë e shohim pasi nga dita në ditë shtohen investimet turke në Shqipëri”, tha Yildirim.
Kryeministri turk u shpreh se, “Shqipëria dhe Turqia kanë ngjashmëri të jashtëzakonshme në fushën e kulturës, traditave, mënyrën e jetesës, por edhe sesi qytetarët konceptojmë jetesën e tyre. Prandaj mendojmë se bashkëpunimi mes dy vendeve tona duhet zhvilluar. Do bëjmë ç’është e mundur që këtë traditë ta çojmë përpara”.
Turqia ndodhet sot në zi kombëtare për shkak të sulmeve terroriste që goditën mbrëmjen e djeshme aeroportin “Ataturk” në Stamboll
