Në një linjë me VMRO-DPMNE e Gruevskit është edhe kryeministri teknik i Maqedonisë Emil Dimitriev. Ai thotë se zgjedhjet e parakohshme parlamentare së bashku me ato lokalet janë shpëtimi nga kriza politike që ka mbërthyer vendin.
“Garancia e vetme për ruajtjen e unitetit të Maqedonisë është formimi dhe zhvillimi i shoqërisë civile dhe multietnike”, shprehet Dimitriev.
“Dikush dëshiron që t’i vendos punët në Maqedoni duke përjashtuar shumicën e popullit maqedonas, shumicën e turqve, romëve, vllahëve dhe etnive të tjera.Kjo nuk mund të realizohet”, tha ai.
“Së dyti në periudhën pas zgjedhore në Republikën e Maqedonisë u hapën diskutime të cilat thellë prekin në rendin Kushtetues të vendit, ndërsa nuk ishin pjesë e fushatës parazgjedhore ose shumë pak flitej për këtë. Vlerësoj se këto tema nuk janë privilegj i elitave politike aq sa ato konsiderohen si të afta që të ballafaqohen me këto procese dhe për tema të tilla faktori i vetëm i cili mund të thotë dhe të prononcohet është populli në zgjedhje të reja parlamentare të cilat do të organizoheshin së bashku me ato lokale, shtoi Emil Dimitriev.
