Kryeministri spanjoll, Pedro Sanchez është shprehur kundër modelit italo-shqiptar për zgjidhjen e çështjes së emigracionit.
Sipas tij, ky model nuk e zgjidh problemin me emigrantët, por përkundrazi, krijon probleme të tjera.
“Besoj se qëndrimi i qeverisë spanjolle dihet, është publik. E kemi shprehur si në media ashtu edhe me kolegët europianë dhe është hera e parë që e shpreh publikisht por e them qartë: ne nuk jemi pro formulave të tilla sepse janë formula që nuk adresojnë ndonjë nga problemet dhe krijojnë të reja, prandaj ne zgjedhim, siç thashë edhe më parë, për një vizion shumë më të fokusuar në dimensionin e jashtëm të fenomenit të migracionit”.
Kështu është shprehur kryeministri spanjoll, Pedro Sanchez, lidhur me marrëveshjen Itali-Shqipëri gjatë konferencës për shtyp në fund të Këshillit Europian.
