Kryeministri sllovak Robert Fico ka dalë nga spitali ku po trajtohej, dy javë pasi është plagosur rëndë nga të shtënat me armë.
Ai u transportua me avion në kryeqytetin, Bratislavë, dhe u dërgua në shtëpi për të vazhduar rrugën e tij të gjatë drejt shërimit, thonë raportet.
59-vjeçari po luftonte për jetën e tij, pasi u qëllua katër herë me armë zjarri nga një distancë e afërt në qytetin qendror të Handlova më 15 maj.
Z. Fico thuhet se i është nënshtruar një sërë operacionesh.
Drejtuesja e spitalit Roosevelt, Miriam Lapunikova, tha:
“I urojmë kryeministrit shumë forcë dhe mbi të gjitha energji pozitive gjatë rehabilitimit të tij fizik dhe shumë kohë.”
Politikani veteran, i cili ka shërbyer si kryeministër për më shumë se 10 nga 18 vitet e fundit, u rikthye në pushtet shtatorin e kaluar në krye të një koalicioni populist-nacionalist.
Sllovakia është bërë gjithnjë e më e polarizuar muajt e fundit dhe sulmi vetëm sa ka thelluar tensionet.
Sulmuesi i tij i dyshuar, i quajtur nga mediat lokale si 71-vjeçari Juraj Cintula, është lënë në paraburgim i akuzuar për tentativë vrasje.
Ai aktualisht është duke marrë trajtim psikiatrik dhe nëse dënohet, përballet me pjesën tjetër të jetës në burg.
