Kryeministri Edi Rama ka uruar Donald Trumpin, i cili pak më parë shpalli fitoren për zgjedhjen e tij si President i ri i Shteteve të Bashkuara të Amerikës.
Teksa e konsideron një fitore të jashtëzakonshme, Rama thotë se me zor pret të punojë me Presidentin e 47 për të zgjeruar partneritetin tonë të paqes, begatisë dhe progresit.
“Urime Donald Trump për këtë fitore të jashtëzakonshme. Ishte nder i madh që të punoja me Presidentin e 46 të Shteteve të Bashkuara për të forcuar lidhjen mes dy vendeve tona. Mezi pres të kem privilegjin e madh të punoj me Presidentin e 47 për të zgjeruar partneritetin tonë të paqes, begatisë dhe progresit”, shkruan Rama në rrjetin social “X”.
