Kryetari në detyrë i bashkisë së Himarës, edhe pse humbi në zgjedhjet e 14 majit, Jorgo Goro vijon të drejtojë bashkinë, pas arrestimit të Fredi Belerit.
Por, pas qarkullimit të lajmeve për dorëheqje nga ana e tij, Goro ka deklaruar për Neës24, se këto zëra nuk janë të vërteta.
Kujtojmë se disa ditë më parë, kryeministri Edi Rama bëri një koment ndaj vendimit të gjykatës për refuzimin e lejes ndaj Fredi Belerit, ku dhe paralajmëroi si zgjidhje për ngërçin e krijuar largimin e Jorgo Goros nga drejtimi i bashkisë dhe vënien e kësaj të fundit nën qeverisjen qendrore.
“Referimi nga ana e GJKKO e ngërçit që krijohet në vazhdimësinë e përkohshme të detyrës nga ana e kandidatit humbës, përderisa faktikisht kryebashkiaku i zgjedhur mbetet në paraburgim, ndërkohë që kryebashkiaku ende në zyrë nuk e ka legjitimitetin për të drejtuar bashkinë në mungesë të fituesit, e bën qartësisht të lexueshme dhe lehtësisht të kuptueshme nevojën e daljes nga ky ngërç,” deklaroi Rama.
