Për të gjithë artdashësit “Galeria Marian Goodman” në Francë do të ekspozoje disa nga pikturat e kryeministrit shqiptar, Edi Rama në Paris duke nisur prej datës 8 Qershor.
Lajmi është bërë i ditur në faqen zyrtare të kësaj galerie, dhe ndër të tjera janë publikuar edhe disa nga veprat e kryeministrit Rama që do të ekspozohen për publikun.
Pjesë e këtyre krijimeve janë vizatime në letër, letra muri, skulptura qeramike dhe një punim qëndisje me dorë.
Duke iu referuar krijimeve të kryeministrit Rama që do të ekspozohen në zemër të Parisit, vihet re afërsia e tij me shumëllojshmërinë e ngjyrave, e cila ka qenë e pandashme për Ramën si në karrierën e tij politike, ashtu edhe në veprimtarinë e tij artistike, shkruan “Galeria Marian Goodman”.
“Di që vizatimet janë pjesë e punës sime. Bëhet fjalë për punën dhe është si diçka brenda meje që përpiqet t’i shpëtojë punës kornizë”, shprehet kryeministri Rama.
Në njoftimin për mediat, Galeria Marian Goodman tregon se si ngjyrat kur Rama drejtonte Bashkinë e Tiranës, u bënë pjesë e një projekti ambicioz për rilyerjen me shumë ngjyra të fasadave të ndërtesave.
Dhe vete Kryeministri Rama asokohe thoshte nëpër intervista se pikturuam fasadat e zymta të komunizmit duke i shndërruar ato në shumëngjyrëshe, duke tërhequr edhe vëmendjen e mediave ndërkombëtare.
Ekspozita me punimet e Kryeministrit Rama do të hapet për publikun të Shtunën, me 8 Qershor në Paris.
Klan News
