Ka nisur seanca plenare e kësaj të enjte me fjalën e Kryeministrit Edi Rama. Qeveria paraqet sot në parlament dokumentin më të rëndësishëm, pr/buxhetin e vitit 2018.
Kryeministri duke bërë analizën e këtij viti, tha se Shqipëria ka patur rritjen më të madhe ekonomike në rajon, nga ana tjetër tha ai është ulur papunësia krahasuar me një vit më parë.
Pjesë nga fjala e Ramës në sallën e seancave plenare
Sot qeveria paraqet në kuvend një dokument të rëndësishëm që shënon edhe hapin e parë të një mandati të ri i cili do të fokusohet i tëri tek shtet-bërja, punësimi dhe mirëqënia. Dokumenti i pr/buxhetit nis me premisën inkurajuese se ekonomia shqiptare rritet në mënyrë të qendrueshme. Gjatë 3 mujorit të dytë të këtij viti prekem kufirin e 4 përqindindëshit. Kemi gjallërim të kërkrsës private dhe këtu nënvizoj rritjen reale të konsumit.
Janë rritur eksportet me 13 % dhe importet kanë rritje me 6.3%. Së treti rritja e investimeve me 13 % edhe investimet e huaja direkte rritje pozitive prej 18 % krahasuar me 1 vit më parë.
Më vjen mirë të ndaj me ju, rezultatet e anketës ku është rritur punësimi me 13.8 %. Pra shkalla e papunësisë është në trend rënës. /Opinion.al
