Kryeministri francez, Manuel Valls ka shpallur kandidaturën e tij për zgjedhjet presidenciale.
Pas deklarimit të moskandidimit të François Hollande, askush s’kishte më dyshime se Valls do të kandidonte.
Dreka që presidenti dhe kryeministri kaluan sot, është kambana e bashkëpunimit të tyre në betejën e ardhshme për drejtimin e shtetit.
Është bërë me dije se ata kanë bashkëbiseduar për dorëheqjen e Valls. Mirëpo, asnjëheri prej tyre nuk do të japë shenja ngutje, për shkak edhe të kontekstit të kërcënimeve terroriste që mbeten të larta.
Mësohet se emrat që po qarkullojnë për zëvëndësues të Valls, janë ministrat Bernard Caseneuve (i brendshëm), Jean-Yves Le Drian (i mbrojtjes), Stéphane Le Foll (i bujqësisë), Marisol Touraine (i shëndetësisë), Najat Vallaud-Belkacem (i arsimit).
Fushata e Vallas do të jetë e “vështirë” sipas analistëve të ndryshëm, por edhe personaliteteve të ndryshme të Partisë Socialiste.
Për Gilles Finchelstein, drejtor i përgjithshëm i Fondacionit Jean-Jaurès (pranë PS), “François Hollande dhe Manuel Valls, janë e njëjta politikë […] nuk dihet se e kujt, e François Hollande-it apo e Manuel Valls, janë tehu ose doreza e thikës që ka çarë të majtën”.
Kandidati Arnaud Montebourg, ka shkuar më tej: pas “gjithëkush veç Hollande jo”, dhe “gjithëkush veç Valls jo”.
