Kryeministri i Belgjikës Charles Michel ka shprehur sot qëndrimin e tij pozitiv sa i takon rrugës së Shqipërisë drejt Bashkimit Europian. Pas një takimi që ka zhvilluar pasditen e sotme me kreun e qeverisë shqiptare, Michel tha se Belgjika mbështet integrimin europian të Shqipërisë.
Në një deklaratë të përbashkët për mediat, ai tha se rekomandimi pozitiv për hapjen e negociatave për anëtarësim të Shqipërisë në BE është vetëm një pikë nisje, duke theksuar se vendi duhet të vijojë më tej e përmbushjen e reformave.
“Vizita ime sot në Shqipëri nuk është një rastësi. E pranova me kënaqësi ftesën që mu be, për të shprehur një sinjal pozitiv për përpjekjet që janë bërë. Fillimi i një procesi anëtarësimi nuk është pika ë mbërritjes. Synohet shumë punë, reforma shtesë. Në procesin e vendimmarrjes në Komisionin europian duhet të respektohet procedurat, nuk mund ta vënë qerren para kaut”. Do të vendoset një pikë në rendin e ditës, dhe më pas do të jepet qëndrimi i Belgjikës. Do të kemi rastin të vijojmë dialogun politik me kryeministrin Rama, pasi unë bëj pjesë tek ata që vlerësojnë përpjekjet. Por theksoj se duhen vijuar këto përpjekje për të arritur rezultate”, u shpreh kryeministri belg Charles Michel.
Michel: Sa i përket çështjes së emigracionit, duhet të theksoj përpjekjet që janë realizuar nga autoritetet për të pasur një partneritet të ndershëm. Belgjika e konsideron Shqipërinë si një vend të sigurt dhe është me rëndësi të punojmë së bashku për të lëshuar mesazhe për të parandaluar format e emigracionit ilegal. Përpjekjet e bëra janë vlerësuar.
Javën e ardhshme do të ketë diskutime të rëndësishme politike në një samit në Bruksel, do merret vendim në qershor dhe ramë dakort të ruajmë një dialog të ngushtë me kryeministrin për të nxitur zhvillimet lidhur me këtë vendim që do merret në qershor.
S’mund të them një vendim zyrtar, me shumë qartësi them se ne dëshirojmë të vazhdojmë përpjekjet për afrimin e BE me Shqipërinë dhe aftësinë për të thelluar reformat brenda BE dhe për të nxitur thellimin e përpjekjeve brenda Shqipërisë për të dhënë një sinjal pozitiv. Për të marrë përgjegjësitë për zbatimin e reformave.
