Kryeministri Edi Rama është shprehur se do të qëndrojë edhe pak në politikë, pasi sipas tij ka një mision para si ai i anëtarësimit në BE.
Në rubrikën “Sy m’sy”, Rama theksoi se kryeministrat shkojnë e vijnë, por ai do të qëndrojë për të përmbyshur këtë mision.
“Çfarë kam tradhtuar unë?! Apo se Shqipëria sot është vetëm një hap larg realizimit të ëndrrës shekullore. Duhet menduar si shqiptarë në këtë moment, as si socialistë as si demokratë, as më pëlqen Rama ose jo. As sa ministra janë në burg…2 ministra janë dënuar nga mandati i parë, i 3-të në paraburgim sot e gjithë ditën, por i padënuar ende, dhe një i 4-ërt në arrati. 4, ok?
Nëse ti dhe kua kua kuatë flasin për luftë kundër korrupsionit, ministra, njerëz të lidhur me pushtetin të hetuar, e dini pse u erdhi dita të flisni sepse këtë ditë e solli PS, kjo ambicie e vizion për të hyrë në BE. Fokusohuni tek ky mision patriotik, lërini broçkullat! Kryeministrat shkojnë e vijnë, mua do më duhet të rri dhe pak sepse duhet ta përmbush këtë mision. Nuk mund të luajmë me fatin”, iu përgjigj Rama një komentuesi.
