Bashkëshortja e Ilir Metës dhe një nga figurat kryesore në LSI, Monika Kryemadhi duke folur në emisionin e mëngjesit në News 24 u shpreh se mund të bëhesh kryeministër, por mund të jesh i urryer në popull. A po aludon ajo për Kryeministrin Edi Rama? Këtë nuk e dimë por gjatë gjithë ligjëratës së saj në studio u vu re një lloj pakënaqësie me reformat që janë ndërmarrë nga koalicioni PS-LSI.
E pyetur se sa deputetë pretendon të marrë LSI në këto zgjedhje, ajo u përgjigj: “40”, pra dyfishin e atyre që ka sot kjo parti. Ndërsa e pyetur nëse Ilir Meta synon të bëhet kryeministër ajo tha se “nuk është e thënë të jesh me domosdo kryeministër, sepse çështja është të bëhesh i urryer”.
Ndërsa lidhur me zgjedhjet tha: “Ishalla nuk shtyhen, sepse nëse PD nuk hyn në zgjedhje, nuk ka demokraci…”.
Lidhur me sistemin zgjedhor, Kryemadhi deklaroi se Kodi Zgjedhor është vendosur nga dy partitë e vjetra (PS, LSI), dhe shtoi se ajo preferon sistemin proporcional të pastër. Sipas saj në 2013, PS mori deputet nga votat e LSI-së vetëm për shkak të sistemit elektoral që aplikohet në vend. /Opinion.al
