Kryetarja e LSI-së Monika Kryemadhi ishte sot në Selenicë të Vlorës ku pati një takim me të rinjtë e LRI-së në këtë qytet.
Kryemadhi u bëri thirrje të rinjve të përfshihen në aksionin politik dhe kombëtar të opozitës.
Sipas Kryemadhit, kjo është e vetmja mënyrë për të rrëzuar klikën e kriminalizuar që ka marrë peng dhe i ka varfëruar shqiptarët.
“Prandaj ne nuk mund të ngelemi më peng i këtyre mashtrimeve, por mbi të gjitha ne duhet të rrëzojmë këtë klikë, e cila po varfëron çdo ditë e më shumë shqiptarët, ta rrëzojmë këtë klikë e cila çdo ditë dhe më shumë po bën shqiptarët më të lodhur, po i bën shqiptarët më të dobët, po i bën shqiptarët më me pa besim në vetvete. Prandaj edhe vendimi i opozitës së bashkuar është shumë i qartë, për të ecur përpara dhe për të sqaruar çdo qytetarë shqiptar dhe për të qenë në protestë në ditët e ardhshme përpara kësaj klike dhe përpara këtij individi që ka marr peng shtetin, ka marrë peng vendin, ka marrë peng popullin shqiptar”, tha Kryemadhi nga Selenica.
