Kryetarja e LSI-së, Monika Kryemadhi tha në mbledhjen e Kryesisë së Këshillit Kombëtar të LSI-së se:“Duke filluar nga dita e nesërme të gjithë këshilltarët e LSI-së dhe grupseksionet do të jenë të organizuar; do të ngrihen shtabe të përbashkëta, do të ketë protesta çdo ditë dhe këto nuk do të jenë protesta politike por do të jetë protestë e shoqërisë”.
Po kështu Kryemadhi ka folur edhe për djegien e mandateve.
“Mandatet e LSI nuk mund të bëheshin kurrë fasadë e kësaj maxhorance që ka vjedhur vota. Sot ne të gjithë jemi të barabartë me çdo anëtar të Lëvizjes Socialiste për Integrim. Djegia e mandateve tona tregoi që përballë bënefiteve të deputetit, ka më shumë rëndësi qytetari. Sot integriteti i LSI është më i pastër se gjithmonë. Ndaj të gjithë deputetët iu përgjigjën kërkesës për djegien e mandateve. Vertetë ky grup parlamentar nuk ka qenë zgjedhja ime, por sot jam krenar për këtë grup që tregoi se dashuria për vendin e tyre është më e rendësishme se mandati i deputetit. Ne jemi të përgaitur për çdo skenar të Ramës. Dikujt do ti hiqet gruaja nga puna, dikujt do ti vijë thirrja nga prokuroria, dikujt do ti vihet lëndë eksplozive në shtëpi. Nuk na ndalin dot, sepse kjo maxhorancë nuk është më shumicë dhe nuk ka kush e ndihmon më dot”, tha Kryemadhi. /Dl Opinion.al
