Kryetarja e Lëvizjes Socialiste për Integrim, Monika Kryemadhi, ka ironizuar kryeministrin Edi Rama në lidhje me deklaratat e shprehura dje në darkë në emisionin “Zonë e Lirë” në TV Klan.
Përmes një shënimi në Facebook, Kryemadhi shkruan se Edi Rama u shfaq mbrëmë në provën gjenerale të rolit të Lolos, nofkë kjo e fundit që dilte në dosjen e përgjimeve të Habilajve.
“Me pyetje dhe përgjigje të gatuara në kuzhinat e oligarkëve, klientëve të tij besnikë që të tillë kanë qenë pranë çdo kryeministri”,-shkruan ajo.
Kryemadhi: Në përgatitje për premierën e shfaqjes së fundit, Edi Rama u shfaq mbrëmë në provën gjenerale të rolit të Lolos. Me pyetje dhe përgjigje të gatuara në kuzhinat e oligarkëve, klientëve të tij besnikë që të tillë kanë qenë pranë çdo kryeministri.
Por me sytë e errur nga frika e provave që e implikojnë edhe atë në zullumet e bandave të trafikut harron që në përballjen finale nuk ja shkruan dot vetë pyetjet prokurorëve. Në atë përballje do të mbajë përgjegjësi vetëm për përgjigjet.
