Në një dalje urgjente në Facebook, Kryetarja e LSI Monika Kryemadhi, ka akuzuar Partinë Socialiste se po blen vota në qytetin e Durrësit.
Kryemadhi tha gjatë daljes, se LSI kishte marr një denoncim me emra patronazhistësh, të cilët po blejnë vota.
“ Ky është materiali që ka ardhur, ku patronazhistët e PS kanë marr përsipër blerjen e votave, ku kanë shkuar dhe kanë marr numrat e identitetit, qendrën e votimit, vendin e punës dhe në krah kanë numrin e telefonit të patronazhistit dhe vlerën e parave që kanë marr. Janë vetëm faturat e para që shikoni, është i njëjti si databaza e Tiranës ku bëhet shumë e qartë që tashmë në qyetin e Durrësit, makinat pa targa u janë drejtuar shtëpive të votimit të personave që presin të marrin paratë. Të gjitha këto fleta që kemi do t’ja dërgojmë jo vetëm SPAK-ut, por të gjitha mediave, kush janë patronazhistët e patronazhistëve të patronazhistëve, që paguajnë para”, tha Kryemadhi.
Duke permendur emra, Kryemadhi u shreh: “Ajo që dua të theksoj, po ju përmend vetëm disa patronazhistë, ku është koordinator Afrim Bakaj, Alban Abazi, Ivian Shallvari, Arjan Domi, Pëllumb Kapllani, Mirjan Avdyli, Artur Murati, Marcela Gërxhi, Xhoan Basho, Leonard Gorea, Alma Marku. Vazhdojmë pastaj në qendrën 1426 ku është Myslym Kuka, Edison Ahmataj, Alban Poli. Aldi Kryemadhi, Lorenc Hoxha dhe këtu janë në krah vlerat e parave që kanë marrë dhe personat për të cilën kanë marrë në angazhim janë që do të kryhet sot në darkë operacioni i pagesave të parave ose nesër në këmbim të fotos për votën e tyre që do të hedhin në kuti, ose në këmbim të fletës së votimit që duan ta nxjerrin, siç quhet skema e famshme ‘treni bullgar’. /Opinion.al
