Kryetarja e Lëvizjes Socialiste për Integrim, Monika Kryemadhi, të enjten, është shprehur se opozita shqiptare po i hap rrugën kryeministrit të vendit hapjen e negociatave.
Kryemadhi deklaroi në studion në emisionit ‘Opinion’ se kjo është një strategji e opozitës që të lehtësohet rruga e hapjes së negociatave për vendin.
Ajo tregoi se opozita shqiptare nuk kërkon të tentojë asnjë konflikt politik deri në ditën kur të hapen negociatat për anëtarësimin e vendit në BE.
Ndërkaq, kreu i LSI-së theksoi se nuk ekziston asnjë flirt mes LSI-së dhe PS-së, pasi nuk mund të ketë bashkëpunim me një forcë politike që përfaqëson interesat e grupeve kriminale dhe të trafikut të drogës.
Më tej, kreu i LSI-së, foli edhe për aktin e saj rebelues ndaj kryeministrin në Kuvendin e Shqipërisë, hedhja e çizmes drejt Edi Ramës.
Ajo u shpreh se çizmja e hedhur kundrejt kryeministrit Edi Rama në Kuvendin e Shqipërisë, ishte një simbol i rezistencës kundër perandorisë së drogës të ngritur nga ai.
Kryemadhi të enjten në darkë, në emisionin ‘Opinion’, deklaroi se hedhja e çizmes nuk ka të bëjë fare për sa i përket raporteve personale me Ramën, por ka të bëjë me simbolikën e hedhjes së çizmes ndaj asaj diktature që po instalon Edi Rama, për të krijuar bindjen se është i paprekshëm dhe do të bëhet pikërisht ashtu siç thotë ai.
Ajo theksoi se kjo kala rëre e ngritur nga ai, do të shembet, pasi e ka ndërtuar me themele shumë të dobëta për shkak të asaj dhe pikërisht për shkak të asaj perandorie droge që ka ngritur.
