Kryetarja e LSI-së, Monika Kryemadhi ka zhvilluar një vizitë në SHBA.
Znj. Kryemadhi mori pjesë në meshën multinacionale të dioqezës së atjeshme ku ka prezantuar edhe disa relike që, si tha znj. Kryemadhi, mbajnë mbi supe kalvarin e vuajtjeve të popullit shqiptar.
Ja postimi i plotë i zonjës Kryemadhi
“Gjatë vizitës time në SHBA, të premten më datë 22 u ndala në Arlington, ku mora pjesë në meshën multinacionale të dioqezës atje. Gjatë vizitës në Arlington, i dorëzova dioqezës disa relike që mbajnë mbi supe kalvarin e vuajtjeve të popullit shqiptar. Kryqi i dhuruar nga arkipeshvi i Shkodrës Masafra me eshtrat e 10 martirëve, mori një vlerësim të madh nga të pranishmit në meshë dhe drejtuesit e dioqezës.
Ndërsa dje mora pjesë në një takim të gruas republikane në Virginia. Më shumë se 800 gra ishin të pranishme në këtë konferencë, ku mbizotëroi një atmosferë e ngrohtë dhe e gëzueshme.”
