Kryetarja e LSI ka dale sot në mbështetje të banorëve të Verrisë në Fier të cilët po protestojnë kundër inceleratorit të mbetjeve që do ndertohet në këtë zonë.
“Është një kompani e dyshimtë që ka marrë 3 koncesione deri më tani për impiante të djegies së plehrave. Ato janë refuzuar nga banorët. Inceleratori s’ka vend në Shqipëri. Kjo nuk është vetëm beteja e banorëve të Verrisë por e gjithë shqiptarëve që sduan të helmohen”, tha Kryemadhi në një dalje për mediat nga selia e LSI-së.
“U bëj thirrje militantëve të LSI të shkojnë atje sot në mbështetje të banorëve. U bëj thirrje investitorëve të terhiqen se do perballen dhe me ligjin. I bëj thirrje Edi Ramës të terhiqet nga projekti i sjelljes së plehrave të Europës në Shqipëri se do përfundojë në koshin e plehrave”, tha më tej Monika Kryemadhi. /Opinion.al
