Kryetarja e Lëvizjes Socialiste për Integrim, Monika Kryemadhi ishte sot në Elbasan ku zhvilloi një takim me strukturat e partisë si dhe dorëzoi kartat e anëtarësisë për anëtarët e rinj.
Kryemadhi vuri theksin tek marrja e përgjegjësive në fjalën e saj. Ajo tha se LSI gjithmonë i ka marrë përgjegjësitë e saj ndërsa akuzoi qeverinë se nuk i mungon vetëm përgjegjshmëria por edhe dashuria për qytetarët dhe këtu përmendi rastin e tërmetit.
“Shqipëria sot po kalon një situate te vështire. 2019 një nga vitet me te vështira, ku ekonomisë iu shtua dhe tërmeti i 26 nëntorit. Jemi munduar te flasim pak për te mos ngritur kauza politike mbi fatkeqësitë e te tjerëve. Kryeministri puthte duar qytetaresh ndërsa sot qytetaret vijojnë te jene rrugëve. Një pjese e qytetareve ne çadra dhe ato qe ishin ne hotele po dalin. Kësaj qeverie i mungon përgjegjshmëria por dhe dashuria për qytetaret”
Ajo theksoi dhe njëherë se çelja e negociatave me BE-në është shumë e rëndësishme për Shqipërinë. Zbatimi i kushteve të Bundestagut është thelbësor për arritjen e këtij objektivi por sipas saj në këtë proces është bërë pengesë kryeministri Rama.
“9 kushtet e Bundestagut janë shumë te rëndësishme. 9 kushtet fillojnë me reformën zgjedhore, miratimin dhe me pas implementimin e saj për te tejkaluar krizën. Edi Rama nuk do qe te mbylle reformen zgjedhore. Me mbylljen e reformës zgjedhore Edi Rames i vjen hapi i dyte, zgjedhjet. Hapja e negociatave me rendesi. Nese nuk hapen negociatat e ardhmja e Shqiperise vihet ne diskutim. Vihet ne diskutim per shkak te largimit te te rinjve nga vendi. 80% e popullsise qe jeton me bujqesi eshte ne kushtet e mbijeteses. Sot shqiptaret nuk kane buke te hane ne shtepite e tyre. Do punojme cdo dite per te ngritur ne kembe vendin tone te cilin e ka shkaterruar Rilindja”, shtoi Kryemadhi.
Një nga hapat që Kryemadhi përmendi se do të ndërmerrte për të normalizuar gjendjen është ulja e taksave dhe prishja e koncesioneve
“Dje doli nje tjeter kryebashkiak qe nuk e mbante mend qe ishte denuar ne Greqi. Mentaliteti i rilindjes eshte mentaliteti i rilindjes, ai i falsifikimit, i zhvatjes. Te ulim taksat duke bere nga vendi me taksat me te larta ne rajon ne vendin me taksat me te uleta ne rajon. Qeveria e edi rames rriti vetem buxhetin e koncesioneve. Po te mos i kishte paguar do te kishte zgjidhur problemin e shtepive te prekura nga termeti. Ka shume te zhgenjyer nga partia socialiste. Ne duhet te trokasim ne deren e tyre. Qe te marrin fatin e tyre ne dore. Ne si LSI kemi nisur fushaten e hapjes se dyerve te partise. Synimi, per te ndryshuar kete realitet politik. Per te vendosur studentet, pedagoget per te ardhmen e tyre. Te vendosim ne per te drejtat tona dhe jo punedhenesit. E ardhmja e Shqiperise nuk eshte ne duart e Edi Rames, as te Monikes as te Lulzim Bashes por ne duart e shqiptareve”, deklaroi ajo ndër të tjera. /Opinion.al
