Kryetarja e Lëvizjes Socialiste për Integrim, Monika Kryemadhi, ditën e sotme, nga Dibra ka deklaruar se nëse Shqipëria nuk zhvillohet ekonomikisht, shqiptarët janë të detyruar të punojnë si argatë në fushat e mbjella me kanabis.
Kryemadhi theksoi se ekonomia në vend është polarizuar dhe pagat e pensionet nuk janë rritur. Sipas saj, Shqipëria ka bërë hapa mbrapa në ekonomi dhe një fakt i tillë është konfirmuar edhe nga Banka Botërore.
Fjala e plotë:
Votat për Lëvizja Socialiste për Integrim, janë vota shprese. Njerëzit besojnë dhe dëshirojnë që ne të jemi pjesë e BE-së.
Ekonomia është poralizuar, pagat nuk janë rritur, pensionet dhe pagat nuk janë rritur. Banka botërore sapo konfirmoj se nuk kemi bërë progres, por kemi zbritur shtatë vende më poshtë. Maqedonia është në vendin e 11, ne jemi në vendin e 65.
Pse? Sepse e shikojnë Shqipërinë si Kolumbi. Nëse nuk zhvillohet ekonomia atëherë shqiptarët do të jenë të varfër, do detyrohen të punojnë në fushat e kanabisit si argatë. Kështu nuk do të kenë një të ardhme të sigurtë, fëmijët do të kenë vështirësi për tu arsimuar, për shkak të shtetit që ka mbjell krimin në vend.
Prandaj dua tu siguroj se Lëvizja Socialiste për Integrim do të punoj për qytetarët.
