Kreu i LSI-së Monika Kryemadhi ishte në Bulqizë ku zhvilloi një takim me minatorët. Ajo deklaroi se të gjitha votat e LSI-së do të shkojnë pro statusit të minatorit.
“Ne nuk duam të bëjmë politikën nga foltorja e parlamentit. Ne në fakt ia kemi dhënë disa herë shansin për të qeverisur, por nuk ia kemi dhënë asnjëherë shansin minatorëve. Unë ju falemderoj shumë për djersën tuaj, dhe votat e LSI- do të jenë pro statusit të minatorit. Mosdhënia e statusit do të ishte fyerje dhe harresë!
Edhe për buxhetin do të bëjmë që kjo paketë të miratohet që në buxhetin e ardhshëm. Duam që tani të diskutojmë me ju.”. u shpreh Kryemadhi.
