Kryetarja e LSI ka mbledhur sot grupin e ri parlamentar për caktimin e prioriteteve dhe detyrave, ndërkohë që ndajnë vetëm pak ditë nga nisja e seancës së parë plenare të Kuvendit të ri.
“Grupi parlamentar do të ketë një angazhim të jashtëzakonshëm pasi qeveria është e vogël, por do të synojë një korrupsion shumë të madh. Grupi do të votojë cdo iniciativë që ka të bëjë me integrimin, pa asnjë mëdyshje, se është jo vetëm objektiv i LSI, por edhe i cdo shqiptari”- tha ajo.
Ajo ka theksuar se grupi i LSI do të mbështesë cdo iniciativë që ka të bëjë me zhvillimin ekonomik, social kulturor dhe do të jetë në opozitë me keqqeverisjen.
“Do të kemi qëndrim të jashtëzakonshëm për pasurimin e jetës parlamentare, do të kemi risi në jetën parlamentare me shumë iniciativa, dhe do jemi shumë vigjilentë për ato që flenë në sirtarët e kuvendit. Nuk do të ketë asnjë tolerim për mungesa të deputetëve. Pozicionimi ynë si parti opozitare është shumë i qartë, i ka munguar vendit prej shumë kohësh”- tha ajo.
