Kryetarja e LSI, Monika Kryemadhi ka folur në lidhje me situatën politike në Shqipëri si dhe për marrëdhëniet brenda opozitës.
Gjatë një interviste televizive, Kryemadhi ka theksuar se brenda opozitës ka mendime të ndryshme, por brenda saj nuk ka përçarje.
Po ashtu, kryetarja e LSI ka thënë se kryeministri Edi Rama do të rrëzohet gradualisht, ndërsa sipas saj, opozita qëndron e vendosur në objektivin e saj të unifikuar.
“Duhet të kuptojmë dy gjëra, është qëndrimi i opozitës së bashkuar dhe është një qëndrim që është shumë i qartë dhe është tjetër gjë se çfarë qëndrimi mban LSI-a. Mos harroni që është një tryezë e partive opozitare që merr një vendim të unifikuar dhe këndvështrimi tjetër që ne flasim është ajo që unë e kam thënë dhe do ta them gjithmonë që ne nuk kemi frikë nga Edi Rama, sepse po e bëjmë sikur është Katallani që po na hedh zift. Edi Rama është një njeri që e arriti kulmin e vet dhe tanimë është një kështjellë rëre që do të shpërbëhet pak nga pak. Mjafton të lexosh 9 kushtet e Bundestagut gjerman dhe e kupton se kush është Edi Rama. Mjafton të lexosh raportin e OSBE-ODIHR dhe e kupton se kush është Edi Rama”,-tha Kryemadhi./ Opinion.al E.Xh.
