E ftuar në televizionin neës 24, deputetja e LSI-së, Monika Kryemadhi ka folur ndër të tjera edhe për deklaratat e deputetit socialist Taulant Balla lidhur me fushatën në qarkun e që e ka cilësuar atë si një opozitë është shprehur se ajo është e deleguar nga LSI për fushatë në qarkun e Elbasanit. Ajo tha se dje ka vizituar Përenjasin dhe aty gjendja ishte jo e mirë, është një bashki në të cilën diskutohet ccështja e ujit të pijshëm. “Ne politikisht bëjmë një gabim, që fokusohemi tek reformat, por ato duhet të japin efektivitet. Ndaj edhe unë i quaj pseudo reforma për shkak të efektivitetit. Ne kemi bërë shumë reforma të sukseshme, por edhe jo”.
Kryemadhi është shprehur edhe lidhur me deklaratat e fundit të Tualant Ballës. Më poshtë një pjesë e intervistës.
Në Prrenjas gjëndja e mjerueshme, ndërkohë merren me pseudoreforma?
Kryemadhi: Unë jam deleguar për tre qarqe, Tiranë, Lezhë, Elbasan. Te i Elbasanit jam fokusuar më shumë se e njoh më pak. Isha atje, dhe kryetarja e Bashkisë së Prrenjasit, një nga problemet më të mëdha që ndjen është mungesa e investimeve. Atje diskutohej prej vitesh mungesa e ujit të pijshëm. Dua të them që s’mund ta mohoj dot që zonat malore janë të varfra. Nuk dua të dal gënjeshtare. Për pseudoreformat them që ato duhet të japin produktivitet, por në një kohë të caktuara ato kthehen në pseudoreforma. Kush pretendon se ne jetojmë në parajsë, nuk është normale.
Komenti i Taulant Ballës: Sa kohë që Monika kritikon dhe dikasteret që drejtohen nga vetë LSIja, kjo është gjë e mirë. PS po punon për çdo gjë që zgjedhjet të bëhen të lira….
Kryemadhi:Me Taulantin jam më shumë mike se me shumë kolegë të tjerë. Po unë prap i qëndroj deklaratave të mia, kudo ku ka shkelje në çdo sektor.
Është ironike deklarata e tij?
Kryemadhi:Nuk e di por ne jemi parti tolerante me mendime të kundërta që i diskutojmë. Nëse në një parti nuk ka mendime të ndryshme, do të jetë fatkeqe.
LSI po bën opozitën në parlament në vend të PD-së?
Kryemadhi:Nuk mendoj se nëse kemi një mendim ndryshe, është opozitë. Nuk është keq t’i thuash gjërat siç janë. Mënyra e të bërit politikë ndonjëherë na ka lënë mbrapa. Sa më shumë të fokusohemi tek problematikat, aq më shumë i largohemi demagogjisë.
