Kryetarja e Lëvizjes Socialiste për Integrim, Monika Kryemadhi ka komentuar takimin e zhvilluar mesditën e sotme me ambasadoren amerikane Yuri Kim në Elbasan.
Gjatë fjalës së saj Kryemadhi tha se në takimin me ambasadoren është relaksuar, teksa më tej theksoi se diskutuan për situatën e fushatës elektorale në qytetin e Elbasanit.
“U rekalsuam edhe qeshëm shumë me ambasadoren. Folëm për situatën e fushatës elektorale në qytetin e Elbasanit, e në gjithë qarkun, ku ajo që ne disktuojmë e që është shumë e rëndësishme ka rëndësi t’u krijojmë shanse e mundësi të gjithëve të votojnë.
Të mos ushtrohet presion institucioneve shtetërore duke nisur me ndihmën ekonomike, me konfliktin e interesit që ka sot prokurori i Elbasanit ku vëllain e ka të tretin në listën e PS, për të vijuar me krijimin e mudënsive të kenë sa më shumë gra e vajza përfaqësues.
Mos të harrojmë që Elbasani është qyteti më elitar, edhe më shumë se Tirana sa i përket intelektualëve, forcës së gruas, së vajzave e të rinisë, tjetra, që dua tua theksoj, lista fituese e LSI i jep shans të jashtëzakonshëm të rinjve dhe të rejave, shans të jashtëzakonshëm grave e vajzave për të qenë ato që do vendosin për të ardhmen e LSI”, tha Kryemadhi.
E pyetur sa sa deputetë synon të marrë LSI në qarkun e Elbasanit Kryemadhi u përgjigj: “3.5 jemi tani po luftojmë për të katërtin”./Opinion.al
