Kryetarja e LSI-së, Monika Kryemadhi, të enjten, iu përgjigj akuzave ironike që Edi Rama adresoi ndaj kreut të grupit parlamentar të PD-së, Edmond Spaho dhe kreut të grupit parlamentar të LSI-së, Petrit Vasili, të cilët i quajti si dy ‘gjysmagjela’.
Për Kryemadhin, Spaho dhe Vasili, bashkë bëjnë një gjel të madh që do i nxjerrin sytë Edi Ramës.
“Gjysmagjeli brente flori tek përralla. Këta dy gjysmagjelët do bashkohen në një gjël të madh që do ja nxjerin sytë Edi Ramës. Dhe Rama në një përralë jeton. Ai ka ndërtuar një realitet virtual de viktimat janë shqiptarët, dëmin që i ka bërë ai Shqipërisë, përralla e tij nuk do të ketë fundin e lumtur. Shqiptarët do fitojnë në fund”, – tha Kryemadhi.
Çështja Xhisiela Maloku
Kryemadhi tha se po dënohen personat që denoncojnë krimin.
“Ne po quajme personin që e denoncoi po e quajme kriminel, kurse ky qe e ka djegur me cigare nuk qenka kriminel? Nese ky eshte standardi që ai që denoncon quhet kriminel, atëherë jemi në qëndrime të kundërta. Problemi qoftë i mediave dhe i drejtësisë, nuk qëndron më tek fatkeqsia, por qëndron si të krijojmë një telenovelë politike për të largar vemënden. Në qoftë se ky zotri ka gënjyer pse u arrestua djali deputetit. Një prokurori që nuk heton krimin dhe që e fsheh atë është dy fish më fajore se kriminelët”, -tha Kryemadhi.
