Ministri i Jashtëm serb, Ivica Daçiç ka deklaruar se nuk është aspak i surprizuar nga heqja e roaming mes Kosovës dhe Shqipërisë. “Kjo nuk është asgjë e re, por diçka që ka ndodhur për dekada e shekuj- dëshira për të krijuar Shqipërinë e Madhe”, tha kryediplomati serb për gazetarët.
Më tej ai shton se: “Askush në Evropë nuk po reagon në lidhje me deklaratat dhe veprimet që po ndodhin në territorin e Shqipërisë dhe Kosovës, ndërkohë që pikat kufitare mes tyre po braktisen e po ndërmerren misione të përbashkëta”.
Duke komentuar deklaratën e kryeministrit të Shqipërisë, Edi Rama, se pakicat në Kosovës kanë kujdes më të mirë se Serbia ndaj shqiptarëve në Preshevë, Daçiç ka kërkuar t’i jepen shembuj.
“Deklaratat e tij (Ramës) janë kërcënim i vazhdueshëm për BE-në se nëse nuk i japin diçka, ata do të krijojnë Shqipërinë e Madhe”, vuri në dukje ministri serb.
