Kryebashkiakut Erion Veliaj i është shtuar një akuzë e re nga Prokuroria e Posaçme Antikorrupsion.
Sipas News24 mësohet se Veliajt i është komunikuar nga prokurorët e posaçme akuza për futjen e sendeve të ndaluara në qelitë e paraburgimit.
Kujtojmë se Veliaj është paraqitur sot në SPAK nga burgu i Durrësit, ku ka dhënë shpjegime mbi hetimet.
Ai është marrë në pyetje në prani të avokatëve të tij Ermir Beta dhe Artur Selmani. Ndërkohë marrja në pyetje e kryebashkiakut në cilësinë e personit nën hetim ka zgjatur 1 orë e 30 minuta.
Kujtojmë se Veliaj u arrestua më 10 Shkurt, i akuzuar për dy vepra penale, atë të “korrupsionit pasiv” në 9 raste dhe “pastrim parash”.
