Ka zgjatur për më shumë se 1 orë e gjysmë seanca e marrjes në pyetje e kryebashkiakut Kreshnik Hajdari në SPAK.
Ky i fundit nuk ka folur për mediat, por avokati i tij Theodhori Sollaku deklaroi se klienti i tij nuk është marrë i pandehur por është pyetur për një kallëzim.
Sa i takon kallëzimit për mosdeklarimin e Hajdarit të dënimit në Greqi, avokati u shpreh se nuk e deklaroi se nuk kishte vlerë.
“Jo nuk është marrë i pandehur, dha shpjegime për kallëzimet që ka bërë subjektet politike për një pretendim 25 vite më parë që ka kaluar kufirin dhe është dënuar me qortim shoqëror. Nuk ka asnjë vendim të komunikuar dhe të deklaruar më përpara, edhe po të ishte e vërtetë, nuk ka asnjë konseguencë”, tha Sollaku.
