Janë rreth 150 emigrantë shqiptarë që qëndrojnë në një kamp në buzë të shkëmbinjve në zonën e Dieppe në Francë në veri të vendit, të cilët presin mundësinë që të hyjnë ilegalisht në Britaninë e Madhe.
Por, këta shqiptarë shihen me sy të keq nga kryebashkiaku komunist i këtij qyteti francez, ku janë vendosur shqiptarë, i cili thotë se janë refugjatë ekonomikë dhe nuk meritojnë asnjë ndihmë, raporton syri.net.
Kryetari i një organizate lokale franceze që ofron ushqim falas për emigrantët, shkoi tek zyra e kryebashkiakut komunist Sebastien Jumel për të kërkuar strehim për këta shqiptarë që qëndrojnë nëpër shkëmbinj. Kërkesa e tij u refuzua.
“Ata nuk mund të na bëjnë presion sikur të ishim ne përgjegjës për situatën”, tha drejtuesi i stafit të kryetarit të bashkisë Dieppe.
Kryebashkiaku komunist i këtij qyteti francez ka mohuar që t’u ofrohet ndihmë dhe strehim shqiptarëve që po qëndrojnë në një kamp në buzë të shkëmbinjve. Ata janë në pritje të ndonjë kamioni që do t’i çojë në port për të udhëtuar ilegalisht drejt Britanisë së Madhe.
