Partia Demokratike ka denoncuar kryebashkiakun e Pukës, Gjon Gjonaj, për ushtrim dhune ndaj kreut të shtabit për fushatën elektorale të PD, Demir Hyseni. Sipas PD, mësohet se Hyseni është gjendur nën presion e vazhdueshëm të kryetarit të Bashkisë Pukë dhe kërkon marrjen e masave ndaj këtij të fundit.
“Pa marrë në konsideratë dokumentacionin e Hysenit që tregon ligjshmërinë e aktivitetit të tij, Kryetari i Bashkisë së Pukës, ka urdhëruar shkatërrimin e biznesit të Hysenit thjesht për motive politike.
Partia Demokratike i kërkon qeverisë dhe autoriteteve të ndërhyjnë menjëherë dhe të vënë para përgjegjësisë ligjore kryetarin e Bashkisë Pukë, dhe cdo polic që është bërë pjesë e urdhërave të paligjshëm dhe politik”, thuhet në reagimin e selisë blu.
