Kryetarja e Bashkisë së Parisit do të notojë në lumin Seine të qytetit javën e ardhshme, për të demonstruar sigurinë e ujërave për Lojërat Olimpike.
Qëllimi është t’u dëshmohet qytetarëve dhe performuesve se investimi i madh për pastrimin e Senës, që arrin në 1.4 miliardë euro, ia ka vlejtur.
Testet e kryera në lumë në qershor treguan nivele shumë të larta të baktereve Escherichia Coli dhe Enterococci, sidomos pas reshjeve.
Kjo është për shkak se sistemi i kanalizimeve shekullore të Parisit nuk është gjithmonë në gjendje të mbajë ujërat e zeza që shpesh derdhen në lumë. Moti i favorshëm i ditëve të fundit ka përmirësuar situatën.
Sena do të ketë një rol qendror në Lojërat Olimpike të këtij viti.
Përveç ceremonisë së hapjes, në lumë do të zhvillohen garat e notit. Nëse lumi nuk konsiderohet i sigurt, konkursi i notit do të zhvendoset në Vaire-sur-Marne./Opinion.al
