Militantët janë rrahur mëngjesin e sotëm në fshatin Zezë të Krujës. Ngjarja ka ardhur pasi një militant i PD u kap nga militantët e partive të tjera duke shpërndarë para tek vëzhguesit dhe anëtarët e komisioneve. Policia në një njoftim për media deklaroi se ka ndaluar 30-vjeçarin me iniciale B.K. banues në Krujë. Ai është konfliktuar me disa simpatizantë të dy subjekteve të tjera politike, të cilët janë shpallur në kërkim.
“Shtetasi B. K. po shpërndante vlera monetare tek persona të ndryshëm, anëtarë të komisioneve, vëzhguesve të subjekteve politik që aderon. Gjatë kontrollit fizik të ushtruar shtetasit të mësipërm iu gjet dhe sekuestrua shuma prej 4 milionë lekësh (të vjetra).
Gjithashtu u shpall në kërkim dhe po punohet për kapjen e shtetasit: • R Rr. 23 vjeç, banues në Krujë.
R.Rr. dyshohet se në bashkëpunimim me dy shtetas të tjerë, të paidentifikuar, kanë kanosur me fjalë, goditur me grushta dhe kërcënuar me armë zjarri, shtetasin B.K.
Materialet i kaluan Prokurorisë së Rrethit Gjyqësor Krujë për veprime të mëtejshme për veprën penale: • “Dhënia e shpërblimeve dhe e premtimeve” në ngarkim të shtetasit B.K. parashikuar në nenin 328 të Kodit Penal”, tha policia.
